Iri rushanwa ritanga imyanya itatu ihesha itike yo gukina AWBL izabera i Cairo mu Misiri kuva ku wa 5 kugeza ku wa 15 Ukuboza 2025.
REG WBBC yabonye itike nyuma yo gutsinda Kenya Ports Authority (KPA) yari yakiriye iri rushanwa ku manota 62-45.
APR WBBC yo yatsindiye itike ku mukino yatsinzemo Les Hippos yo mu Burundi amanota 82-61, mu mukino yigaragajemo cyane.
Ibi byatumye u Rwanda rugira amakipe abiri afite itike ya AWBL, hakaba hategerejwe kumenya ikipe izasoza ku mwanya wa gatatu izaherekeza aya makipe yombi i Cairo.
REG WBBC na APR WBBC zirahura mu mukino wa nyuma uteganyijwe kuri uyu wa Gatandatu, tariki ya 15 Ugushyingo 2025, mu mukino utegerejwe cyane n’abakunzi ba Basketball mu Rwanda no mu Karere ka Afurika y’Iburasirazuba.
