Ikipe y’igihugu ya Guinea yatsinze u Rwanda amanota 89 kuri 63 mu mukino wa FIBA World Cup Qualifiers (Africa), wabaye kuri uyu wa 02 Nyakanga 2026 saa 11:00.ni imikino irikubera muri angola

Guinea yatangiye umukino iri ku rwego rwo hejuru cyane, itsinda agace ka mbere (Q1) ku manota 26 kuri 14, bituma ishyiraho itandukaniro rikomeye hakiri kare. Nubwo u Rwanda rwagerageje kwisubiraho mu gace ka kabiri (Q2) rugatsinda amanota 27 kuri 19, igice cya mbere cyarangiye Guinea ikiri imbere ku manota 45 kuri 41.

Mu gace ka gatatu (Q3), Guinea yongeye gukaza umurego itsinda amanota 18 kuri 12, irushaho kongera ikinyuranyo. Mu gace ka nyuma (Q4), yakomeje kugenzura umukino itsinda 26 kuri 10, ari na ko yasoje umukino itsinze ku manota 89 kuri 63.

Umukinnyi Souley Boum wa Guinea yitwaye neza cyane atsinda amanota 17, atanga rebounds 3 ndetse na assists 3, agira uruhare rukomeye mu gutsinda k’ikipe ye. Ku ruhande rw’u Rwanda, Uwitonze Justin na we yagaragaje imbaraga, atsinda amanota 17 anatanga assists 4.

U Rwanda rwakoze amakosa menshi (turnovers 19), byorohereza Guinea kubona amahirwe yo gutsinda amanota menshi. Nubwo u Rwanda rwagerageje gutsinda amanota y’amanota atatu (3-pointers) ku kigero cya 44%, ntibyabashije guhindura isura y’umukino.

Iyi ntsinzi ituma Guinea ikomeza kwitwara neza muri iri tsinda rya C, mu gihe u Rwanda rugomba kongera kwisuzuma no gukosora amakosa mbere y’imikino itaha.

umutoza w'ikipe y'igihugu y'urwanda yves murenzi nyuma y'umukino yavuzeko abakinnyi kuba abenshi arubwambere  bigoye guhita  batanga umusaruro.

Urwanda ruzagaruka mu kibuga ejo kuwa 03.Nyakanga.2026 bakina na tunisia bongere kugaruka mu kibuga ku ya 05 Nyakanga 2026 bakina na nigeria.