Aya masezerano afite agaciro ka miliyoni 8 z’Amadolari ya Amerika ndetse arimo player option, bivuze ko LeBron azagira uburenganzira bwo guhitamo niba azakomeza gukina umwaka wa kabiri cyangwa atazawukina. Amakuru yemejwe n’umunyamakuru wa ESPN, Shams Charania, abinyujije ku makuru yahawe na Klutch Sports Group n’umuhagarariye LeBron, Rich Paul. 

LeBron James, ufite imyaka 41, yavuze ko yatekereje guhagarika gukina nyuma y’isozwa rya shampiyona ya 2025/26, ariko aza gufata umwanzuro wo gukomeza kubera ko agifite inyota yo guhatanira igikombe cya gatanu cya NBA.

Mu butumwa yashyize ku mbuga nkoranyambaga yagize ati: “Ndagikunda umukino wa Basketball kandi ndacyafite byinshi byo gutanga. Iki ni cyo cyemezo cya nyuma nzafata ku ikipe nzakinira.” 

Muri Philadelphia 76ers, LeBron azakinana n’abakinnyi barimo Joel Embiid, Tyrese Maxey, Jaylen Brown na VJ Edgecombe, ibintu bituma iyi kipe iri mu zihabwa amahirwe menshi yo guhatanira igikombe cya NBA muri shampiyona ya 2026/27. 

Nubwo yari asanzwe ahembwa amafaranga menshi muri Lakers, LeBron yemeye umushahara muto kugira ngo Philadelphia ibashe gukomeza kubaka ikipe ikomeye izarwanira igikombe.

Mu mwaka ushize wa shampiyona, LeBron yasoje afite impuzandengo y’amanota 20.9, rebounds 6.1 na assists 7.2 kuri buri mukino, agaragaza ko n’ubwo ageze mu mwaka wa 24 muri NBA agifite urwego rwo hejuru. 

Uku kwimuka kwa LeBron James gufatwa nk’imwe mu mpinduka zikomeye kurusha izindi muri NBA Free Agency ya 2026, kuko gushyira hamwe kwe na Philadelphia 76ers bishobora guhindura isura y’irushanwa rya NBA mu mwaka utaha.