Uyu mukino wabereye mu Mujyi wa Los Angeles, wasize Afurika y'Epfo isezerewe mu irushanwa nyuma yo kugaragaza urwego rwo hasi ugereranyije na Canada, dore ko muri uyu mukino yateye ishoti rimwe gusa rigana mu izamu.
Ku rundi ruhande, Canada yabonye uburyo bwinshi bwashoboraga kuvamo ibitego, burimo umutwe watewe na Moise Bombito ugarurirwa ku murongo na Aubrey Modiba, ndetse na Canada yongera imbaraga ubwo kizigenza wayo Alphonso Davies yinjiraga mu kibuga nyuma yo gukira imvune yari yaramubujije gukina imikino y'amatsinda.
Canada ibaye ikipe ya mbere ikatishije itike ya 1/8, aho itegereje kuzacakirana n'ikipe izarokoka hagati ya Maroc n'u Buholandi, mu mukino uteganyijwe kubera mu Mujyi wa Houston ku wa 4 Nyakanga.
