Ikipe ya Rayon Sports yasinyishije umukinnyi wo hagati ukomoka mu Burundi, Muderi Akbar, wari usanzwe ari kapiteni wa Gasogi United, imyaka ibiri.

 Uyu mukinnyi usanzwe akinira Ikipe y'Igihugu y'u Burundi yahawe amasezerano yo kongera imbaraga muri iyi kipe yitegura umwaka utaha w'imikino wa 2026-27.

‎Muderi umenyereye Shampiyona y'u Rwanda abaye umukinnyi wa karindwi w'umunyamahanga iyi kipe iguze, akaba n'uwa 13 mushya iguze muri rusange.

‎

‎Kugeza ubu Rayon Sports ikomeje umwiherero w'imyiteguro uri kubera mu Karere ka Gicumbi yitegura amarushanwa akomeye arimo CECAFA Kagame Cup na CAF Confederation Cup.

‎

Mbere y'uko aya marushanwa atangira‎, iyi kipe izakina umukino mpuzamahanga wa gicuti na Gor Mahia yo muri Kenya ku munsi wa Rayon Day uteganyijwe tariki ya 18 Nyakanga 2026.