Ikipe ya APR FC yamaze gutangaza ko yaguze umukinnyi wo hagati, Rubuguza Jean Pierre, wavuye muri Gicumbi FC mu rwego rwo gukomeza kwiyubaka yitegura umwaka utaha w'imikino wa 2026/2027.
Ikipe y’Ingabo z’Igihugu yahaye ikaze uyu mukinnyi mushya kuri uyu wa Kabiri, tariki ya 23 Kamena 2026. Rubuguza azanywe nk'igisubizo mu kibuga hagati nyuma y'uko iyi kipe itandukanye n'abarimo Ruboneka Jean Bosco bananiwe kumvikana ku masezerano mashya.
Uyu musore yaguzwe nyuma yo kugira umwaka mwiza w'imikino wa 2025/2026, aho yafashije Gicumbi FC gukina imikino 21 muri BK Pro League akayitsindamo ibitego birindwi.
Rubuguza abaye umukinnyi wa gatatu mushya APR FC itangaje muri iyi mpeshyi, yiyongera kuri myugariro Ishimwe Christian ndetse na rutahizamu ukomoka muri Côte d’Ivoire, Amani Kouadiokan Michel Breygeneve. Aba baje basimbura abandi bamaze kurekurwa barimo Mugisha Gilbert, Niyomugabo Claude n'abandi.
Leave a Comment