Ubuyobozi bw'iyi kipe bwatangaje aya makuru ku mugoroba wo kuri uyu wa Gatatu, tariki ya 24 Kamena 2026. Lotfi aje gusimbura Bisengimana Justin wamaze kwerekeza muri AS Kigali, nyuma yo gufasha Gicumbi FC gusoza ku mwanya wa 12 muri Shampiyona iheruka ya 2025/2026.
Gicumbi FC yongeyeho ko nyuma yo kubona umutoza umenyereye Shampiyona y'u Rwanda, igiye gukurikizaho gutangaza amazina y'abakinnyi bashya yaguze.
Afahmia Lotfi agarutse mu kazi dore ko yari amaze igihe nta kipe afite nyuma yo gutandukana na Rayon Sports mu Ugushyingo 2025, gusa ubu bakaba bagifitanye ibibazo kuko ayishyuza asaga miliyoni 20 Frw avuga ko yirukanywe binyuranyije n'amategeko.
Mbere yo kujya muri Gikundiro, uyu mutoza yamaze imyaka itatu atoza Mukura Victory Sports, anayifasha kugera muri 1/2 cy'Igikombe cy'Amahoro mu 2025.
Leave a Comment