Ikipe ya Chelsea yumvikanye na Aston Villa ku kugura umukinnyi Morgan Rogers ku kayabo ka miliyoni 117 z'Ama-pound, bihita bishyiraho agahigo gashya mu Bwongereza.
‎
Uyu musore w'imyaka 23 ukina asatira izamu yahawe amasezerano y'imyaka itandatu ashobora kongerwaho undi umwe akazageza mu mwaka wa 2032.
‎
‎Uku kugurwa k'uyu mukinnyi gukuyeho agahigo ka miliyoni 116 z'ama-pound Manchester City iherutse kuguraho Elliot Anderson imukuye muri Nottingham Forest.
‎
Morgan Rogers yifuzwaga n'amakipe atandukanye arimo na Arsenal, ariko ahitamo kwerekeza muri Chelsea kubera yanyuzwe n'umushinga mushya w'umutoza Xabi Alonso.
‎
Biteganyijwe ko uyu mukinnyi azakora ibizamini by'ubuzima ku wa Mbere mbere yo gushyira umukono ku masezerano.
‎
Mu mwaka ushize w'imikino, Rogers yafashije Aston Villa kwegukana Europa League no kubona itike ya Champions League atsinda ibitego 14 anatanga imipira 12 ivamo ibindi.
‎
‎Aston Villa igiye kungukira cyane muri ubu bucuruzi kuko yari yaguze uyu mukinnyi miliyoni zirindwi z'ama-pound gusa imukuye muri Middlesbrough mu 2024. Iyi kipe yahoze akinira izahabwa 20% by'inyungu igiye kuva muri uku kwerekeza  muri Chelsea nk'uko amasezerano yabo abiteganya.