Uyu mukinnyi w’imyaka 29 w’ikipe y’igihugu ya Spain, wakiniye amakipe yaho ariyo Villarreal CF na Atletico Madrid, nyuma yaje kuhava yerekeza mu gihugu cyu Bwongereza mu 2019. Yafashije City gutwara ibikombe bine bya Premier League ndetse na UEFA Champions League yo mu 2023.
Rodri yagize ati:
“Ese nakongera gukina muri Espagne, muri La Liga, i Madrid? Yego, ndabishaka.”
Yakomeje avuga ko kuba yarakiniye Atletico Madrid bitamubuza gukinira Real Madrid:
“Si njye wa mbere wabikora, hari abandi babigezeho mbere, nubwo atari mu buryo bwo kwimuka ako kanya.”
Yanongeyeho ko bigoye kwanga imwe mu makipe akomeye ku isi:
“Ntushobora kwanga imwe mu makipe akomeye ku isi.”
Rodri kandi yemeje ko amasezerano ye na Manchester City azarangira mu 2027, anavuga ko igihe kizagera bakicarana n’ubuyobozi bakaganira ku hazaza he.
Leave a Comment