Mukeshimana Dorothée wari Kapiteni wa Rayon Sports yasinyiye Gaziantep Alg Spor yo mu Cyiciro cya Mbere muri Turikiya amasezerano y'umwaka umwe.
Uyu mukinnyi ukina mu kibuga hagati afasha ba rutahizamu yari amaze imyaka itatu muri Rayon Sports. Muri iyi kipe yambara ubururu n'umweru, Dorothée yatwaranye na yo ibikombe bibiri bya Shampiyona ndetse n'Igikombe cy'Amahoro.
Uyu mugore w'imyaka 29 yageze muri Gikundiro avuye muri AS Kigali yazamukiyemo.
Mukeshimana Dorothée kandi asanzwe ari umwe mu inkingi za mwamba ikipe y'Igihugu "She-Amavubi" igenderaho.
Leave a Comment