‎

Iyi ntsinzi yakuyeho umuvumo w’iyi kipe yari imaze gutsindwa inshuro enye zikurikiranya mu bikombe bikomeye hitabajwe za penaliti.

‎

‎Misiri ni yo yafunguye amazamu ku munota wa 13 ku gitego cyatsinzwe na Emam Ashour n'umutwe ku mupira mwiza yari ahawe na Karim Hafez. 

‎

Australie yaje kwishyura mu gice cya kabiri ku munota wa 55 binyuze ku gitego myugariro wa Misiri, Mohamed Hany, yitsinze ku mupira wari utewe na Aiden O’Neill.

‎

‎Mu gutera za penaliti, kapiteni Mohamed Salah yatsinze penaliti nziza cyane mu buryo bwa 'Panenka', mu gihe myugariro Hossam Abdelmaguid yateye ishoti rya nyuma ryahesheje ikipe ye intsinzi. Ba myugariro ba Australie barimo Harry Souttar na Lucas Herrington barase izabo, bituma Misiri yandika amateka cyo kimwe na Maroc, yo kuba amakipe abiri ya Afurika yatsinze mu cyiciro cyo gukuranamo mu Gikombe cy'Isi kimwe.

‎

‎Intsinzi ya Misiri iyerekeje mu mujyi wa Atlanta, aho izahurira muri 1/8 n'iratsinda hagati ya Argentine na Cap-Vert.