Uyu mukinnyi w'imyaka 28 afite ubunararibonye kuko mbere y'uko aza mu Rwanda yanyuze mu yandi makipe arimo na AS Vita Club yo muri Repubulika Iharanira Demokarasi ya Congo.
Uyu munyezamu uje wiyongera kuri Mugisha Yves, ashobora gusimbura Kwizera Olivier uri kugorana mu biganiro byo kongera amasezerano cyangwa akabisikana n'Umunya-Mali Drissa Kouyaté wifuzwa kurekurwa n'ubuyobozi.
Dande Junior abaye umukinnyi wa 14 mushya Rayon Sports iguze muri iyi mpeshyi yitegura umwaka w'imikino, akaba umunyamahanga wa karindwi.
Asanze abandi banyamahanga bashya barimo Boris Gbenou, Charles Tchaplaou, Abbel Matumona, Antonio Atisso Kodjo, Issa Djiguiba, Ibrahim Djingarey na Muderi Akbar.
Usibye aba banyamahanga, iyi kipe yanaguze Abanyarwanda batandatu barimo Ndayishimiye Didier, Nshuti Didier, Muhoza Daniel, Ndikumana Fabio, Nizeyimana Mubaraka ndetse na Nisingizwe Christian.
Leave a Comment