Muri aba bakinnyi bashya iyi kipe yaguze harimo myugariro w'Umunyarwanda Rushema Chris wasinye amasezerano y'imyaka ibiri nyuma yo gutandukana na Rayon Sports.
Hiyongereyeho myugariro w'ibumoso ukomoka muri Ghana, Iddrisu Shaibu wavuye muri Sofapaka FC ndetse n'Umunya-Kenya Japheth Mzungu ukina hagati bari basanzwe bakinana muri iyi kipe yo muri Kenya.
Ubusatirizi bwongerewemo imbaraga binyuze kuri Keffa Tangara wakiniraga Djoliba AC yo muri Mali ndetse na Moussa Limane wavuye muri Asante Kotoko yo muri Ghana, bose bahawe amasezerano y'imyaka ibiri.
Urwego rwa tekinike rwahawe Rutsindura Antoine usanzwe ari umwarimu w'abatoza ndetse akaba afite ubunararibonye yakuye mu Ikipe y'Igihugu Amavubi no muri FERWAFA.
Aba bakinnyi baje basanga abandi baherutse kongerwa muri iyi kipe barimo Byishimo Valua na Rugwiro Kevin, mu gihe abandi nka Nsabimana Eric bongerewe amasezerano.
Kugeza ubu ubuyobozi bwa Police FC bukomeje gushakisha umutoza mukuru mushya uzasimbura Umunya-Tunisia Ben Moussa baherutse gutandukana.
Leave a Comment