APR WBBC yagaragaje ibimenyetso byo gutwara igikombe hakiri kare. Yatwaye agace ka mbere n’amanota 22 kuri 12 ya REG WBBC.
Imbaraga yatangiranye umukino yazikomezanyije no mu gace ka kabiri maze igatwara ku manota 18-16.
Igice cya mbere cyarangiye APR WBBC iyoboye umukino n’amanota 40 kuri 28 ya REG WBBC.
Mu gice cya kabiri REG yakoze iyo bwabaga ngo yigaranzure APR, ariko ntibyakunda kuko yarushwaga amanota menshi.
Iyi kipe y'ingabo yari imaze imikino 11 itazi uko gutsinda iyi kipe y'ikigo gishinzwe iby'amashanyarazi bimeda.
Iyi ntsinzi yatumye APR na REG, hamwe na Kenya Ports Authority yabaye iya gatatu, zibona itike yo guhagararira Akarere ka Gatanu mu Mikino ya Africa Women’s Basketball League izabera i Cairo mu Misiri kuva ku wa 5 kugeza ku wa 15 Ukuboza 2025.
